" />

O Xulgado conclúe a investigación do dobre crime do Cash Record de Lugo

O Xulgado de Primeira Instancia número 1 de Lugo -antigo xulgado de instrución- conclúe a investigación do dobre crime do Cash Record, sucedido hai 27 anos no polígono do Ceao (Lugo), no que faleceron, tras ser tiroteados, unha caixeira e un repoñedor do establecemento, e acorda remitir o sumario á Audiencia Provincial. A xuíza indica no auto que, das dilixencias practicadas, “se desprende a existencia de serios indicios racionais de criminalidade, que permiten, coa provisionalidade propia do momento procesual en que nos atopamos, atribuír ao procesado a súa participación na comisión de dous delitos de asasinato, un delito de roubo con violencia nas persoas e un delito de tenza ilícita de armas”. Ademáis, destaca que foron practicadas “cantas dilixencias se estimaron necesarias para a comprobación do delito, participación que tivo o procesado e as circunstancias que na súa comisión concorreron”.

O xulgado rexeitou o pasado mes de setembro o recurso interposto contra o auto que procesaba ao único investigado polo dobre crime. Nesa resolución, a xuíza destacaba que os feitos non prescribiron, xa que en 2013 se emitiu un auto no que se acordou a intervención das comunicacións telefónicas do sospeitoso. Ademais, sinalou que desde a súa primeira declaración como investigado, en decembro de 1996, ata a actualidade “en ningún momento se pediu o sobresemento ou arquivo das actuacións respecto á súa persoa, nin se cuestionaron as dilixencias practicadas no sumario, polo que non é incongruente manter o procesamento”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo