Os cines Codex proxectarán mañá xoves ás 20:30h o documental “Bienvenido Mr. Banksy” nun pase único e que contará coa presenza do seu director Carlos A. Quirós, que presentará o documental e no que ao final do mesmo haberá un pequeno coloquio.
O documental Bienvenido Mr. Banksy, un documental sobre a arte urbana, da produtora ferrolá Cuerda Floja, leva percorrido diversos festivais de cine internacionais e agora chega ás salas galegas.
A finais de agosto de 2017, no barrio de Canido en Ferrol, con Edu Hermida á cabeza, fixo un chamamento mundial nos medios para que o máis mediático artista da arte urbana, Banksy, participase na cita do ano na pequena cidade: o festival “Las Menindas de Canido”. Este filme narra, na voz do impulsor do festival, os enigmáticos acontecementos ocorridos en Canido durante os catro anos posteriores ao evento.
