Un incendio declarado no interior dunha casa en Outeiro de Rei está a causar importantes danos na vivenda, sen que ningunha persoa resultase ferida nin afectada.
Os feitos teñen lugar en Gondai, na parroquia de Parada e foi unha persoa particular quen alertou do lume ao 112 Galicia pasados uns minutos das 10:30 horas.
Decontado, os xestores do CIAE 112 Galicia pasaron o aviso aos Bombeiros de Vilalba e á Garda Civil.
Segundo confirmaron ao 112 Galicia os membros do Servizo de Prevención, Extinción de Incendios e Salvamento de Vilalba, que continúan traballando no lugar, as lapas calcinaron máis da metade vivenda por causas que aínda se descoñecen.
