Está tarde presentouse na Feira do Libro de Lugo a última obra do lugués Paco Martín, Mr. Smith e a festa murada. Acompañou ao autor na presentación do libro Alejandro Tovar especialista da obra do autor das “Cousas de Ramón Lamote”
Da expedición científica que Mr. Smith realizou polas rúas e prazas dunha cidade galega, coa xenerosa intención de dar cunha nova vía que servise de atallo no camiño da investigación socioxeográfica e, de presentárselle a ocasión, aproveitar para facer algún descubrimento de carácter etnográfico, zoolóxico ou mesmo botánico, que lle proporcionase a sona precisa para que alguen tivese un fundamento, por cativo que fose, que o levase a realizar algún comentario ao respecto na hora da lectura dos xornais en calquera club londiniense ó que asistisen membros da Royal Geographic Society, ou calquera outra entidade de sona e prestixio parellos.
Martín foi mestre de primaria ata o ano 2000, durante sete anos foi director do Departamento de Producción de Material Didáctico para o Ensino en Galego da Consellería de Educación da Xunta de Galicia.
Un dos seus grandes intereses foi o ensino da nosa lingua, para o que escribiu libros de texto e colaborou noutras iniciativas para as aulas. Entre a súa extensa obra destaca sobre todo Das cousas de Ramón Lamote (1985), Premio Barco de Vapor (1984), Premio Nacional de Literatura infantil e xuvenil (1986). A primeira obra que se editou do autor foi Muxicas no espello ao que seguiririan, entre outras, Os libros do Castromil, Santiago, Historias para ler á noite, Pierre, Dous homes ou tres, Andanzas e amizades dun robot pequeño, ou O home que mercou un libro.
