Segue a controversia entre os veciños de Baamonde e o Concello de Begonte por mor da iniciativa do concello de pechar o colexio de Baamonde e instalar nel un conservatorio de música e un auditorio.
No último pleno e malia as protestas da ANPA e de veciños, o goberno municipal aprobou unha moción para solicitar o peche do colexio de Baamonde. Persoas que se opoñen ao peche cualificaban o pleno de “bochornoso” e suliñaron que “tachamos este plan de erróneo, igual que os datos que se expuxeron, e máis no medio dunha pandemia. O cole de Baamonde ten moito máis espazo que o de Begonte e o cociente alumnos/profesor aumentaría nesta fusión
