O empresario, Raúl López quedou en liberdade na madrugada de hoxe tras pagar unha fianza de 20.000 euros e despois de seis horas de interrogatorio. A xuíza Pilar de Lara atribúelle delitos contra a facenda pública, branqueo, suborno e tráfico de influencias.
O empresario declarou que na empresa non entrara ningunha partida de diñeiro negro, aínda que a instrutora mostroulle documentación que probaría o contrario.
O fiscal que se encarga da operación solicitou a fianza de 20.000 euros para a súa posta en liberdade. Pilar de Lara retiroulle o pasaporte e obrígalle a comparecer os luns e os mércores no xulgado. Os dez detidos na chamada operación Cóndor, quedaron en liberdade.
