A información chegou ao 112 Galicia ás 22:45 horas da pasada noite mediante o aviso dos axentes da Garda Civil que solicitaban axuda para liberar o corpo da persoa o cal se atopaba nun sumidoiro a un par de metros de profundidade. Así o explicaban aos xestores do Centro Integrado de Atención ás Emerxencias-112 Galicia que, rapidamente, puxeron os feitos en coñecemento de Urxencias Sanitarias de Galicia-061, dos Bombeiros do Eume e dos membros do GES de Friol.
Os Bombeiros do Eume xunto cos membros do GES de Friol foron os encargados de retirar o corpo da persoa falecida que estaba atrapada nun sumidoiro a dous metros de profundidade no Polígono Industrial de Rábade.
Deste xeito, o corpo do falecido, que se atopa en avanzado estado de descomposición, foi rescatado polos equipos de emerxencia desprazados ata o punto, os cales informaban que debido ás dimensións da arqueta foi necesario cortar un tubo para poder acceder á persoa.
Polo momento, descoñécense as circunstancias que rodean ao suceso.
