O novo presidente do Centro Comercial Aberto Lugocentrum, José Luis Pérez mantivo unha xuntanza con representantes do BNG, para presentarlles o equipo que encabeza e que inicia unha nova andaina ao fronte deste colectivo empresarial lucense.
Na xuntanza participaron o candidato á alcaldía de Lugo do BNG-Asambleas Abertas Rubén Arroxo e a número dous da candidatura, Maite Ferreiro. Arroxo manifestou o apoio da opción política que representa a todas as iniciativas que fomenten o desenvolvemento do comercio local.
Rubén Arroxo dixo que “o pequeno comercio é un dos motores desta cidade”. Para o candidato do BNG-Asambleas Abertas, “dende as institucións compre apoiar as iniciativas da xente que aposta por Lugo, e que mantén durante tantos anos unha asociación que da resposta ás necesidades de modernización e promoción do comercio”.
