Sancionado un local de ocio nocturno por diversas infraccións

Efectivos da Unidade Territorial de Policía de Barrio da Policía Local de Lugo procedeu á inspección dun local de hostalería situado na rúa Tui, levantándose acta por diversas infraccións á Lei de Espectáculos e Actividades Recreativas de Galicia. As infraccións son as seguintes:

A pesar de que o local ten licenza de café-bar, pertencente ao Grupo I, que non lle habilita a ter música, os axentes comprobaron que ten un equipo musical sen autorización a gran volume, con varios altofalantes, barra de son, subwoofer inalámbrico, etc.

Exerce unha actividade dun Grupo de clasificación distinto ao que figura na licenza, pois exerce como un PUB, sen que no interior haxa apenas iluminación.

Instalación de máquinas comecartos sen autorización.

Incumprimentos de medidas de seguridade e hixiene.

Non dispón de carteis informativos da existencia de follas de reclamacións.

Non dispón de lista de prezos visible.

Os extintores están caducos.

Unha das xanelas foi tapiada para que non entre luz ao interior e a porta de entrada é completamente opaca, sendo a ventilación moi deficiente.

Tamén se levantou acta de denuncia por infracción á Lei de Espectáculos e Actividades Recreativas de Galicia ao detectar un café bar situado na rúa Pintor Luís Seoane que excedía, no exercicio da súa actividade, o límite horario establecido, xa que a inspección se levou a cabo ás 3:20 horas, comprobando os axentes que había xente no interior consumindo bebidas.

Asemade sobre as 15:30 horas do día de onte unha patrulla da Unidade Territorial de Policía de Barrio da Policía Local de Lugo dá o “alto” a un vehículo na Rolda das Fontiñas, comprobando que carece de Seguro Obrigatorio e o titular non o levara a pasar a ITV no prazo debido. Consultada as bases de datos policiais compróbase tamén que o condutor CARECE de permiso de condución por NON OBTELO NUNCA, polo que é trasladado á Unidade de Atestados do Corpo onde se instrúen dilixencias por delito contra a seguridade viaria na modalidade de Xuízo Rápido, inmobilizando o vehículo. Este condutor enfróntase a unha pena de prisión de 3 a 6 meses ou multa ou traballos en beneficio da comunidade e ademais abríuselle expediente sancionador cunha sanción de 1.700 euros.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com