" />

Sarria publica as bases que rexerán o proceso de matriculación na Escola Municipal de Música

O Concello de Sarria vén de facer públicas as bases que rexerán o proceso de matriculación na Escola Municipal de Música para o vindeiro curso 2021/2022.

Segundo o documento oficial, as persoas interesadas poderán presentar de forma presencial as súas solicitudes nas instalacións da propia Escola de Música en horario de 10 a 14 horas. Aqueles alumnos que xa estiveran matriculados na escola o pasado curso nalgún instrumento, dende hoxe poderán formular as súas solicitude de reserva de praza (matrícula de continuidade), un prazo que remata o 9 de xullo.

Doutra banda, aqueles alumnos da escola, que durante o curso 2020/2021 estiveran matriculados en ‘Música e movemento’ e que solicitan un instrumento por primeira vez solicitarán matrícula preferente entre o 12 e o 16 de xullo. Neste caso, será requisito imprescindible que o ano de nacemento sexa o 2015 ou anterior.

Por último, todos aqueles interesados en ingresar, por primeira vez, na Escola de Música de Sarria e que desexen formalizar unha nova matrícula terán de prazo dende o 19 ao 23 de xullo, para solicitala.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo