Un día máis volveu baixar a cifra de casos activos por Covid-19 na área sanitaria de Lugo. Onte eran 1914 os casos activos e hoxe 1834, 80 menos. En canto aos novos contaxios a cifra tamén se minora e nas últimas 24 horas foron 73.
No total de Galicia a Dirección Xeral de Saúde Pública da Consellería de Sanidade informou que o número de casos activos de coronavirus en Galicia é de 16.471 deles 4.599 son da área da Coruña, 1.234 da de Ourense, 2.029 da de Pontevedra, 4.026 da área de Vigo, 1.753 da de Santiago e 996 da de Ferrol.
Do total de pacientes positivos, 54 están en UCI, 291 en unidades de hospitalización e 16.126 no domicilio. Polo de agora, en Galicia hai un total de 147.832 persoas curadas, rexistrándose 2.494 falecementos.
O número de PCR realizadas é de 2.629.587.
O número de doses de vacina contra a covid-19 administradas é de 3.649.477.
