Un día máis o número de infectados Baixa en Lugo, se onte eran 590 os infectados, hoxe a cifra pasa a 589, pódese dicir que é mínima, case imperceptible a baixada, pero as cifras ofrecen un dato fundametal: o confinamento está a producir os efectos agardados.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia ascende a 6.019, deles 1.280 son da área da Coruña, 589 da de Lugo, 1.193 da de Ourense, 505 da de Pontevedra, 1.085 da área de Vigo, 1.029 da de Santiago, e 338 da de Ferrol.
Do total de pacientes positivos, 128 permanecen en UCI, 746 están en unidades de hospitalización e 5.145 no domicilio. Polo de agora, en Galicia rexistráronse 1.298 altas de pacientes e 391 falecementos.
O número de PCR realizadas é de 50.396.
