Seguen a alza os novos contaxios na área de Lugo, nas últimas 24 horas o aumento de novos contaxios foi de 121 o que sitúa a cifra de casos activos en 797, noventa e sete máis que onte. A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 9.417 deles 1.517 son da área da Coruña, 1.778 da de Ourense, 1.709 da de Pontevedra, 2.130 da área de Vigo, 1.137 da de Santiago e 349 da de Ferrol.
Do total de pacientes positivos, 20 están en UCI, 79 en unidades de hospitalización e 9.318 no domicilio. Polo de agora, en Galicia hai un total de 127.698 persoas curadas, rexistrándose 2.442 falecementos.
O número de PCR realizadas é de 2.454.690. O número de doses de vacina contra a covid-19 administradas é de 3.259.048.
