13 casos activos menos na área sanitaria de Lugo nas últimas 24 horas. O andazo segue baixo control en Lugo e provincia, grazas ao confinamento das persoas nos seus domicilios, e de seguir así a mediados de mes os casos poderían reducirse de xeito significativo, aínda que pode haber algún repunte.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia ascende a 2.808, deles 658 son da área da Coruña, 166 da de Lugo, 462 da de Ourense, 160 da de Pontevedra, 781 da área de Vigo, 455 da de Santiago, e 126 da de Ferrol.
Do total de pacientes positivos, 30 permanecen en UCI, 206 están en unidades de hospitalización e 2.572 no domicilio. Polo de agora, en Galicia hai un total de 6.802 persoas curadas, rexistrándose 582 falecementos.
O número de PCR realizadas é de 107.957.
