" />

Socialistas de Bóveda denuncian que o primeiro beneficiario das subvencións do Concello sexa o alcalde

A Voceira Socialista de Bóveda, Carmen Macía aludiu hoxe ao cúmulo de casualidades que ven de detectar no tocante ás subvencións do Concello para a construción de novas vivendas na vila, impulsadas polo propio Concello, das cales o Alcalde é o primeiro beneficiario.

“Segundo puidemos coñecer, a través da acta da Xunta de Goberno Local celebrada este pasado dia 24 xuño e presidida polo Alcalde, José Manuel Arias, comprobamos que o rexedor vaise beneficiar dunha axuda económica, impulsada polo Concello para a contracción da súa nova vivenda por un importe de 3.500 euros”, advirten. Tal e como consta na acta, o rexedor ausentouse no debate deste punto informativo.

“O pasado mes de marzo o Alcalde anunciou a bombo e platillo que o Concello de Bóveda, ía subvencionar o 100% do imposto de construción para a rehabilitación interior e exterior, reconstrución ou construción de obra nova en vivendas unifamiliares. Resulta bastante casuístico, que tres meses despois deste anuncio o propio Alcalde presente un proxecto para a realización dunha nova construción na vila”.

Segundo se desprende do propio anuncio realizado nos medios de comunicación en palabras do Alcalde, esta medida está enfocada “en investir e fixar poboación e na mellora de calidade dos veciños. Pois ben, a mellora da calidade de vida dos veciños, neste caso é a do Alcalde do PP, Jose Manuel Arias que dun proxecto orzamentado en 140.000 euros, vai aforrar 3.500 euros das arcas municipais”, insisten.

Carmen Macía emprazou ao rexedor a impulsar iniciativas e proxectos que repercutan na veciñanza, “e non no peto do Alcalde”. “Estamos dacordo en que o noso Concello precisa medidas e propostas para fixar poboación, como calquera Concello da provincia, pero non deste xeito”, resumiu.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo