Rúa Mallorca de LugoEsta noite a policía local interviu tras un aviso de que un home de 44 anos estaba gritando e golpeando os escaparates da Avenida da Coruña, aínda que foi localizado na Rúa Mallorca. Tras proceder á súa identificación e comprobar que podía estar baixo un brote psicótico, requeriuse a presenza dunha ambulancia que trasladou ao home ao HULA.
Outras intervencións
Esta madrugada tamén foi auxiliada pola policía local unha persoa baixo o efecto de pastillas e alcol na Rúa Mariña Española, que foi trasladada ao HULA para recibir atención médica.
Igualmente foi necesaria a presenza doutra patrulla nun local de lecer da mesma Rúa Mariña Española ao comprobar que excedía o límite de apertura de horario. A pesar de ter o enreixado baixado, no interior atopábanse unha trintena de persoas, polo que a policía procedeu co desaloxo do espazo e levantou unha acta de denuncia por infracción da normativa de Espectáculos Públicos de Galicia.
