" />

Tres axentes da Policía Local toman posesión en Lugo en Comisión de Servizos

A alcaldesa de Lugo presidiu esta mañá a toma de posesión de tres Policías Locais que, durante o próximo ano, desempeñarán as súas funcións en Comisión de Servizos na Xefatura de Lugo.

No acto, no que tamén estiveron presentes a edil responsable da área económica e o Inspector Xefe da Policía Local, Jesús Piñeiro, a rexedora aproveitou para darlle a benvida aos novos axentes, procedentes nun dos casos do municipio de Sant Antoni de Portmany (Ibiza) e, nos outros dous, da Administración local de Sarria.

“Estamos encantados de que vos incorporedes ao Corpo, sumando efectivos e ampliando o cadro de persoal o que se suma a todos os esforzos que estamos facendo dende a concellería de Gobernanza para dotar á Policía Local de recursos humanos, materiais e de formación para cumprir o obxectivo último e final de protexer á cidadanía e facer de Lugo unha cidade mellor”, afirmou a rexedora.

A acaldesa trasladoulles tamén unha mensaxe de ánimo á que se sumou Jesús Piñeiro quen lles desexou aos novos compañeiros moita sorte no seu novo destino.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo