Un home foi evacuado esta mañá nun helicóptero medicalizado ata o Hospital de Monforte, debido ás feridas que sufriu cando traballaba na súa casa cunha rebarbadora.
Ao fío das 10:00 horas, a súa dona chamou ao 112 Galicia para solicitar axuda. Indicaba que o accidente ocorrera na casa, situada nos Vilares, Torbeo, no concello lucense de Ribas de Sil.
Decontado, os xestores do 112, tras recibir a chamada pasaron aviso ao Servizo de Urxencias Sanitarias de Galicia-061, que mobilizou a aeronave para evacuar ao paciente.
Os axentes da Garda Civil, os membros do GES de Quiroga e os efectivos de Protección Civil da localidade, tamén foron informados dos feitos polo 112 Galicia.
