O suceso ocorreu en Pantón, concretamente no lugar da Vila, uns minutos antes das 4:00 horas.
Un incendio declarado a pasada noite nunha casa composta por tres vivendas provocou danos nunha delas, sen que se rexistrasen danos persoais.
O 112 Galicia tivo coñecemento do incendio a través da chamada dunha persoa particular, o que permitiu activar un operativo no que interviñeron os Bombeiros de Chantada e os de Monforte de Lemos, ademais dos axentes da Garda Civil. Segundo a información recollida no 112 Galicia, o incendio quedou extinguido ao fío das 8:50 horas.
