O accidente tivo lugar na parroquia de Renche, en Samos. O ocupante saíu do coche polos seus propios medios, pero necesita asistencia médica.
De feito, os datos sobre este sinistro chegaron ao 112 Galicia ás 8:30 horas desta mañá mediante os profesionais de Urxencias Sanitarias de Galicia-061, polo que xa enviaban axuda para atender ao ferido. Pola súa banda, os xestores do Centro Integrado de Atención ás Emerxencias de Galicia solicitaron a intervención dos Bombeiros de Sarria, pois, se ben o ocupante conseguiu saír polos seus propios medios do coche, o impacto provocou importantes danos no garaxe que cómpre retirar, ademais de asegurar a estrutura.
Nestas tarefas continúan traballando arestora os bombeiros.
