O Pleno do Parlamento de Galicia aprobou hoxe a proposición non de lei do Grupo Popular a través da que se demanda ao Goberno de España que se execute as variantes ferroviarias dos Peares e Rubián, “básicas para que o AVE poida chegar a Lugo, tanto á cidade como á provincia”.
O autor da iniciativa, José Manuel Balseiro, lembrou que son “infraestruturas proxectadas no seu momento polo Goberno de Mariano Rajoy e hoxe suprimidas polo Goberno de Pedro Sánchez”. Sen estas variantes, o actual trazado ferroviario non permite que ningún tren AVE poida circular pola provincia.
O acordo final tamén reclama que se dote a Galicia, con carácter de urxencia, de como mínimo sete trens AVRIL; e que faga unha aposta real e decidida pola conexión por AVE con Portugal.
