Unanimidade no pleno do Concello de Lugo para aprobar o inicio dos estudos para acometer a peonalización da Ronda da Muralla no tramo da Mosqueira, tal e como se recollía nunha proposición formulada polo BNG.
Os nacionalistas sinalaron que esta zona se trata dunha das máis emblemáticas da cidade e a súa peonalización contribuirá, din, á súa posta en valor.
Ao inicio do pleno, a alcaldesa Lara Méndez admitía que se trata dun proceso longo que requerirá da realización de diferentes “pasos previos” como a realización de estudos e informes.