A Deputación de Lugo comunicou que a estrada provincial LU-P-1611 á altura do quilómetro 12, en San Pedro de Cerceda -concello do Corgo- está cortada dende primeira hora desta tarde por mor dun afundimento da calzada provocado polas fortes precipitacións destes últimos días.
Segundo o organismo, xa foron habilitados varios desvíos alternativos -debidamente sinalizados- e agardan resolver o problema e restablecer o tráfico da zona o antes posible.
