" />

Unha potente Selección Galega Sub16 e Sub18 acode ao nacional de campo a través

Logo dos recentes campionatos de Galicia de pista cuberta Sub16 desenvoltos esta fin de semana, dábase a coñecer a composición da Selección Galega de campo a través en idade Escolar Sub16 e Sub18 que tomará parte no Campionato de España por Comunidades esta fin de semana en Getafe.

A lista, composta por un total de vintecatro atletas, conta entre as convocadas ca presenza da campioa de España e plusmarquista nacional Sub18 dos 1.500 e 3.000 m. Xela Martínez quen lidera selección.  Xunto á lucense atópanse entre outras, Carolina Santos do Ría Ferrol e Sara Guedes da Atlética Lucense prata e bronce no pasado galego de campo a través Sub18.

Na categoría masculina, tomarán parte os integrantes do podio ao completo do galego de cross encabezados por Sergio Quintas e Héctor Rodríguez do Club La Purísima así como por Victor Ramos do Triki Team. O finalista na edición do ano pasado, Ricardo Negrete do Ria Ferrol,  tamén figura nesa relación de convocados.

Os actuais subcampións de España maculinos Sub16 acoden ca intención de lograr un novo podio. Para elo ao fronte da selección sitúanse os tres primeiros clasificados do galego de campo a través, Alex Sierpes do Trega, Ashber Díaz da Agrupación Viguesa e Teo de Frutos do Lucus Caixa Rural. Repite na selección Damián Suárez do Cedeira Muebles García que tan meritorio posto de finalista ocupaba o ano pasado

Para rematar na categoría feminina, foron seleccionadas a campioa e subcampioa dos 1.000 m. en pista cuberta Amparo Corredoira da Atlética LucensePaloma López de A Gándara xunto á tamén subcampioa autonómica de campo a través Susana Padrón do Ourense Atletismo

No tocante aos obxectivos, estos pasan por lograr un bo papel a nivel xeral nas clasificacións individuais e o de estar na pelexa polos postos importantes na de por equipos.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo