Vilalba Aberta posibilitará a celebración do Orgullo LGTBI na vila

Por terceiro ano consecutivo Vilalba Aberta apoia a celebración do Día Internacional do Orgullo LGBTI. Para esta nova edición Vilalba Aberta agarda que a vila chairega volva saír á rúa para apoiar este movemento.

A nova convocatoria (mércores 3 de Xullo, dende as 20h na Alameda) busca sumar á veciñanza de Vilalba á ola de reivindicacións do colectivo nas diferentes cidades do conxunto do Estado, pola vía dun primeiro debate aberto moderado por María Pérez Iravedra e no que participarán a directora de cine, artista audiovisual e activista LGTBI, Carmen Granxeiro; o coruñés e membro do Observatorio contra a LGTBIfobia, Pablo Zas, e o membro da Asociación pola Liberdade Afectivo Sexual (ALAS), Jesús García Crespo.

A música e a festa darán continuidade a unha xornada de “reivindicación e ledicia”, que rematará coa lectura dun manifesto a cargo estudante e veciño de Vilalba, Alfonso Bermúdez Prado.

“Pretendemos confluír coa veciñanza na defensa das e dos que non poden expresar a súa sexualidade con liberdade”, declarou a concelleira da formación, María Xosé Fernández.

Na mesma liña se pronunciou o voceiro da formación, Modesto Renda, destacando a importancia da visibilidade, pois “ningunha sociedade pode ser considerada coma democrática e plural se se manteñen ou alimentan situacións de exclusión e de rexeitamento cara a unha parte dos seus membros”

É por isto que chaman á participación nunha xornada que levará á Alameda de Vilalba a visibilidade e a reivindicación dun festexo, ata o de agora, reducido ás celebracións das grandes vilas e cidades.

 

Novas relacionadas

Unha resposta

Deixa unha resposta
  1. Pepe Alvez
    Xul 04, 2019 - 01:02 AM

    Sin Fraga….

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com