Volve a caída de casos Covid á provincia, nunha xornada que suma 3 falecementos

Volven as cifras positivas á provincia de Lugo, nunha xornada na que descende o número de casos activos, así como a presión asistencial e o ritmo de contaxios. Na contra, está o número de falecidos tras contaxiarse de Covid que as últimas horas ascendeu ata ás 230 persoas, 3 máis que na xornada anterior.

Por cifras, a provincia suma hoxe un total de 1287 casos activos, 57 persoas menos que na xornada de onte. Unha mellora que se debe á suba das altas (117 nas últimas horas) e ao significativo descenso no ritmo de contaxios que pasou de 100 positivos detectados o martes aos 60 localizados durante o día de onte.

Como diciamos, na última xornada a presións asistencial experimentou tamén un lixeiro descenso. E é que en total os hospitais da provincia restan un ingreso en planta e outro na UCI. Así, o HULA conta hoxe con 25 pacientes Covid, o Hospital da Costa con un e o de Monforte rexistra 2 pacientes en planta de hospitalización. Asemade, o Hospital Polusa conta tamén cun paciente covid. Por último, a UCI do HULA hoxe rexistra 6 casos covid.

Dende o inicio da pandemia, Lugo suma un total de 230 falecidos por mor do virus. Os últimos 3 falecementos rexistrados nas últimas horas. Trátase de dunha muller de 85 anos que finaba en Ribadeo, outra de 89 que o facía en Burela; e un home de 93 anos que perdía a vida en Monforte de Lemos.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com