XIV Feira de Artesanía e Gastronomía enche Castroverde de visitantes

O Deputado de Participación Cidadá, Roberto García Pernas, e o Deputado de Cooperación e Asistencia aos Concellos e tamén Alcalde de Castroverde, Xosé María Arias Fernández, participaron na XIV Feira de Artesanía e Gastronomía desta localidade que se celebrou este domingo no recinto feiral da vila, coa que colabora a Deputación. Ata a localidade achegáronse numerosas persoas para gozar deste cita xa consolidada na comarca.

 García Pernas sinalou que “colaboramos con esta feira para contribuír e dinamizar a economía local, a produción artesanal, a gastronomía local, e impulsar así á promoción turística do concello”.

 Xosé María Arias Fernández agradeceu pola súa banda a colaboración e o compromiso da Deputación “para garantir que se celebrara unha nova edición deste feira, onde a xente puido desfrutar dun día de lecer e ao mesmo tempo coñecer as nosas tradicións”.

 A Feira de Artesanía e Gastronomía de Castroverde ofreceu talleres artesanais, grazas ao apoio da Deputación de Lugo. Realizáronse esculturas de madeira con motoserra, leváronse a cabo degustacións de produtos autóctonos, desfiles de moda, firmas de libros, espectáculos de maxia e actuacións musicais. Ademais, durante a xornada celebrouse a sétima edición da concentración de coches e motos clásicos da vila, que outorgou premios aos vehículos mellor conservados.

 

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo