A Xunta de Galicia a mellora o cruce de San Vicente de Covelas (Ribadeo)

O Grupo Municipal do Partido Popular de Ribadeo ven de felicitar á Xunta de Galicia pola recente execución das obras de mellora do cruce de San Vicente de Covelas. O voceiro popular ribadense, Jesús López Penabad, congratúlase da execución destas actuacións “que responden a unha vella demanda dos veciños e veciñas desa zona”.

O popular apunta que “esta estrada presentaba un grande perigo para os viandantes, pois algúns dos vehículos que transitaban por ela circulaban a velocidades demasiado elevadas poñendo en risco aos peóns”.

As obras leváronse a cabo, en concreto, no casco urbano da parroquia de San Vicente de Covelas, na estrada autonómica de Reme-Vilamar. Os traballos consistiron na inclusión dunha serie de medidas para mellorar a seguridade vial, como instalación de pasos elevados, a colocación de sinais para moderar a velocidade a 50 km/h e o emprazamento dun cartel para advertir de cruce perigoso.

O portavoz ribadense agradece ao organismo autonómico os traballos levados a cabo e salienta “que melloran substancialmente a seguridade do cruce”. López Penabad celebra tamén “que o Goberno da Xunta de Galicia manifeste unha vez máis o seu compromiso con Ribadeo e con todos os veciños e veciñas da localidade e das parroquias ribadenses”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com