Unha dotación da Unidade Territorial de Policía de Barrio, cando realizaba patrulla preventiva pola rúa Montevideo, procedeu á localización dunha moza, de 17 anos de idade, cuxa desaparición fora denunciada con anterioridade, motivo polo cal foi trasladada a dependencias policiais, ao que accedeu de forma voluntaria.
Asemade os axentes de Policía de Barrio tamén auxiliaron a unha muller que se quedou encerrada nas galerías comerciais da Praza de Santo Domingo. Os axentes contactaron cunha veciña que lles facilitou a apertura do enreixado para que a muller puidese saír.
