A Xunta Electoral de Zona de Lugo considera que unha nota publicada na web do Concello sobre as obras da rúa Virxe da Soidade vulnerou a neutralidade institucional ao incluír referencias aos supostos logros do PP e críticas á xestión do anterior Goberno municipal.
A resolución, adoptada o 12 de novembro, considera que determinados fragmentos da publicación, difundida o 23 de outubro, constituían unha «venda de logros» prohibida pola normativa electoral. Por iso, ordena retirar as referencias de carácter propagandístico e require ao Concello que evite novas alusións aos méritos da súa xestión en espazos institucionais durante o período electoral.
O órgano electoral permite manter a información estritamente técnica sobre a actuación, como o obxecto das obras, o orzamento de 152.554,59 euros e o prazo de presentación de ofertas, pero considera improcedentes as mencións ao PP, ás responsabilidades do anterior Executivo e aos supostos méritos do actual Goberno.
Ademais, a Xunta Electoral acordou incoar un novo expediente sancionador contra a alcaldesa, Elena Candia, por unha posible infracción da Lei Orgánica do Réxime Electoral Xeral.
A resolución fai referencia a un acordo anterior relacionado con outra publicación municipal, que tamén fora cuestionada polo órgano electoral e confirmada posteriormente pola Xunta Electoral Provincial.
O PSOE deu a coñecer a decisión e considera que confirma as súas denuncias sobre o uso partidista dos medios municipais durante o período electoral. A formación reclama que se cumpra a resolución e que se respecte a neutralidade institucional na comunicación d






