A Asociación de Veciños de San Roque solicita a renovación do alumeado público

Dende a Asociación de Veciños Roque – Santo denuncian o estado da iluminación pública da rúa San Roque, que une a avenida de Madrid coa Rolda da Muralla. “A escasa potencia que teñen os farois que iluminan dita rúa, provocan unha sensación de inseguridade aos habitantes da zona, xa que a iluminación está obsoleto e ineficiente desde o punto de vista enerxético”, sinalan.

A rúa San Roque é unha zona moi poboada da cidade de Lugo e cun importante número de comercios polo que, dende a Asociación de Veciños Roque – Santo instan “a que dita renovación da iluminación pública se realice con luminarias modernas, de alta potencia, pero baixo consumo, respectuosas co Medio Ambiente e que nos orzamentos do ano 2023 contémplese a renovación das luminarias da devandita rúa”.

E solicitan á concellería de Infraestruturas do Concello de Lugo “a que proceda á súa remodelación con carácter urxente, dada a importancia que supón na vida diaria de miles de persoas e cambie os farois actuais, que «dan unha luz amarelada que apenas ilumina a rúa», e tal e como se pode comprobar nas fotografías que achegamos, iluminan máis a rúa os comercios que a propia iluminación pública”.