" />

A Audiencia condena a sete anos de cárcere a un home por tentar matar a outro cunha fouce en Lugo

A Audiencia Provincial de Lugo condenou a sete anos de cárcere, como autor dun delito tentado de homicidio, a un acusado de agredir cunha fouce a un home co que se atopou na estación de autobuses e convidou a ir á casa na que vivía de okupa porque perdera o transporte. Ademais, impúxolle a prohibición de comunicarse e aproximarse á vítima durante once anos.

O tribunal destaca que golpeou ao afectado cun “instrumento hábil para producir a morte” e que dirixiu a arma contra “unha zona corporal que reviste un inequívoco risco vital”. Ademais, o tribunal impúxolle sete meses de prisión por ameazar a unha muller.

Segundo considera probado o tribunal, o 13 de febreiro de 2021, o acusado coincidiu  na estación de autobuses de Lugo coa vítima que viña de perder o autobús. O xa condenado, sen coñecelo, invitouno a ir á casa onde vivía de okupa, sen luz nin auga, onde iniciaron unha discusión entre eles e cunha muller que tamén residía na vivenda.

En torno ás 2.30 horas da madrugada o acusado colleu unha fouce e, “coa intención de acabar coa vida” do home ao que levara á vivenda, “clavoulla no hemitórax esquerdo á altura do sexto espazo intercostal provocando unha ferida penetrante de 4 cm que ocasionou un neumotóraz aberto asociado”.

Asemade, o acusado golpeoulle coa fouce a lo menos noutras dúas ocasións, “creándolle unha ferida incisa de 2 cm na cara posterior do antebrazo esquerdo e outra de 3cm na cara posterior do ombro dereito”. Segundo constata o tribunal as lesións precisaron tratamento cirúrxico incluíndo a colocación dun drenaxe torácico que lle levou a 24 días de curación”restándolle como secuelas, cicatriz de 7 cm en rexión lateral esquerda do torax á altura do quinto e sexto espazo intercostal, cicatriz de 2 cm redondeada, indurada, aspecto queloideo ao lado da anterior, cicatriz de 2,5 cm en cara posterior do antebrazo esquerdo e cicatriz de 3 cm en cara posterior do ombro dereito, restándolle asemade como consecuencia das mismas, un perxuicio estético lixeiro”.

Trala agresión, a vítima conseguiu saír da vivenda e acudir a unha casa próxima a pedir auxilio; mentres, na vivenda okupa o acusado decíalle á muller que lles acompañaba que a iba degolar. Cando a policía acudiu á vivenda o acusado manifestou que “non lle quedara máis remedio que darlle coa fouCE” e que, se puidera, mataríao.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo