O alcalde de O Saviñao, Juan Carlos Armesto, e o presitente da Confederación Hidrográfica Miño-Sil, José Antonio Quiroga, firmaron onte o convenio que porá en marcha unha obra de paso sobre o río Portiño. A infraestrutura proxectada, a diferenza da actual, contará coa capacidade de desaugadoiro que esixe a normativa e permitirá restablecer o tráfico a través da estrada agora cortada.
Esta actuación consistirá na retirada dos restos da infraestrutura que xa está instalada e a limpeza do cauce da zona afectada. Este será o paso previo ao inicio das obras da nova ponte. Ademais, está proxectada a reposición do pavimento da estrada afectado por estas obras.
A Confederación cifrou esta obra en 150.000 euros, dos cales o 80% serán sufragados pola CHMS e o 20% restante polo Concello.
