A CIG demándalle ao Concello de Monterroso que aclare que plans de futuro ten para a Vivenda Comunitaria

A CIG de Lugo-A Mariña vén de dirixirse por escrito ao Concello de Monterroso para demandarlle información concreta sobre a situación actual da Vivenda Comunitaria e que aclare que plans de futuro ten o Goberno municipal para este servizo, que nos últimos meses non fixo máis que perder usuarios e usuarias.

A central amosa tamén a súa preocupación pola viabilidade deste servizo tendo en conta que as baixas producidas non están sendo compensadas por novas altas e que non se percibe ningún interese por parte do Concello en corrixir esa perda de usuarios ou por mellorar os servizos que se ofrecen.

Neste senso, a CIG tamén critica o escurantismo e a opacidade do Goberno municipal, posto que en novembro e decembro as traballadoras e o comité de empresa solicitaron información sobre a situación da Vivenda Comunitaria sen que até o momento recibiran ningunha contestación. Esta falta de información está xerando incerteza e intranquilidade entre as traballadoras da vivenda a respecto do seu futuro laboral, xa que descoñecen que plans ten o Concello para este servizo ou se ten previsto algún proxecto para reverter a caída de persoas usuarias.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com