" />

A CIG denuncia “saturación” en urxencias pola falta de camas en planta

A CIG Saúde Lugo vén de denunciar  unha situación que está a suceder nesta última tempada no HULA. E é que, segundo a central sindical, o servizo de uxencias esta “saturado” pola falta de camas nas unidades de hospitalización. Unha falta que eles mesmos atribúen ao peche dunha planta enteira con 34 camas.

Segundo denuncian a través dun comunicado aos medios, no día de onte quedaban 14 pacientes en urxencias pendentes de ingresar, mentres que no día de hoxe eran outros 10.

Unha situación que, en palabras do sindicato, “provoca unha saturación tanto nos doentes coma nos profesionais, xa que este servizo é para a atención urxente e inmediata dos doentes, e nestes momentos se convirte tamén nun servizo de hospitalización”.

Para a CIG as principais consecuencias deste feito, ademáis das obvias ocupacións dos espazos, son as que sofren os doentes que acoden ao servizo de urxencias de non estar no servizo correspondente á súa patoloxía, “prolongando as esperas en padiolas ata 24 horas ou máis”.

“Hai 34 camas pechadas no Hula, toda a pranta 4B2, mentras os doentes se ateigan na urxencia, esta dirección se permite ter 34 camas pechadas”, conclúen dende a CIG.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo