A empresa artesanal lucense Conffeti, ven de conseguir o premio Superior Taste Award do International Taste & Quality Institute –iTQi-, con sede en Bruxelas.
A organización é líder en catas e promoción de produtos alimenticios de sabor superior, coñecidos como a “guía gastronómica Michelín” dos alimentos que se fallan cada ano na capital belga. Este ano a empresa lucense gañou coas súas tellas planas de laranxa chamadas “Konst&Tinas”. O ano pasado fíxoo coa confeitura de castañas ao viño.
É un orgullo para Lugo e un exemplo para todas as mulleres emprendedoras, que Elena e Belén, propietarias da empresa familiar, alcancen este recoñecemento internacional froito do traballo ben feito, da paixón e da ilusión por un proxecto empresarial nado en Lugo.
