" />

A Federación de Veciños piden ao Concello que renove “con urxencia” o alumeado público da Garaballa

A Federación de Asociacións Veciñais Lucus Augusti solicitan á Concellería de Infraestruturas do Concello de Lugo que acometa “coa maior brevidade posible” a renovación do alumeado público da Garaballa.

Segundo o seu discurso, que apoian con imaxes da zona, o estado de baixa iluminación supón, din, un risco moi elevado, dada a perigoridade que representa “de circular prácticamente ás escuras”.

Solicitan, asemade, que a renovación do alumeado público realícese con luminarias “modernas, de alta potencia pero baixo consumo”, respectuosas co Medio Ambiente e que se distribúan en “número suficiente” para que a visibilidade sexa “adecuada” para a circulación, sen que exista risco de accidentes, caídas e outras circunstancias derivadas da alta perigosidade que, na súa opinión, supón a súa “practicamente nula” iluminación actual.

A este respecto, dende a Federación matizan, tamén, que a sensación que lles trasladan os veciños da zona é de “abandono total” por parte da Concellería xa que “non é a primeira vez que se denuncia esta carencia na iluminación e ata o momento non obtiveron resposta algunha por parte da concellaría nin dos membros do Goberno”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo