A pista de xeo XL de Ribadeo trae sesións nocturnas con dj’s

Por cuarto ano consecutivo Ribadeo conta cunha pista de xeo XL da que se pode gozardurante este Nadal. Está aberta no parque de San Francisco desde o pasado 21 de decembro e ata o próximo 7 de xaneiro e este ano incorpora, como novidade, sesións nocturnas con djs que teñen lugar os venres e os sábados de 22 a 00:00 horas. Desde o Concello subliñan que “con esta acción o que se pretende é dinamizar máis a pista de xeo XL ao ampliar horarios e introducir a música, así como fomentar o consumo no comercio e na hostalería local”.

E lembran que “a pista de xeo XL de Ribadeo, duns 300m2, é a única que se atopa aberta na provincia de Lugo, e das poucas que contan con sesións nocturnas amenizadas con música”. A pista de xeo, organizada polo Concello de Ribadeo e na que tamén colabora Acisa, ten un prezo de 6 euros. As persoas que fagan compras no comercio asociado a Acisa por un valor superior a 20 euros, ou que consuman na hostalería local, obterán un desconto do 50%, xa que Acisa repartiu 10.000 tíckets cun desconto directo de 3 euros sobre a entrada base.

Ademais da novidade das sesións nocturnas con música os venres e os sábados de dez a doce da noite, “este ano e debido a gran demanda, a pista de xeo XL ampliou o seu horario e abre de 11 a 14 horas polas mañás e de 16 a 22 horas polas tardes. O luns, 31 de decembro, pechará ás 20 horas”, engaden desde o Concello.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo