A Policía Nacional investiga a unha banda que ofrece vehículos de alta gama para agredir e roubar aos compradores

A Policía Nacional investiga na provincia de Lugo unha “perigosa” banda que se dedica, presuntamente, a finxir a venda de vehículos de alta gama, póñense en contacto cos compradores e quedan con eles en lugares despoboados para roubarlles os cartos despois de agredilos.

O golpe con máis repercusión, dos que se teñen constancia, tivo lugar onte, xoves, cando os asaltantes agrediron a un home de 37 anos co que quedaran en Monforte de Lemos para venderlle un coche. No lugar dos feitos, presentáronse dous vendedores que agrediron moi violentamente ao home e incluso chegaron a dispararlle para quitarlle os 19.000 euros que levaba para a compra.

Segundo consideran os axentes de seguridade, os dous individuos que actuaron onte en Monforte, son “os mesmos” que acometeron roubos parecidos nos últimos meses en Coles (Ourense) e Sarria. Neste senso, os investigadores cren que se trata dunha “banda organizada” e ,aínda que se descoñece a procedencia dos autores dos feitos, si precisan que son “perigosos”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com