O delegado territorial da Administración autonómica, José Manuel Balseiro, lembrou que o Goberno galego xa fixera con anterioridade dous envíos de material á capital luguesa, que incluíron 10.845 mascaras, 21.000 luvas e 173 traxes.
A Xunta ten entregado material a todos os concellos da provincia desde que comezou a crise sanitaria, segundo destacou Balseiro. Tamén apuntou que está previsto continuar con esta subministración periódica coa intención de dotar ás entidades locais do equipamento necesario para o persoal dos servizos municipais involucrados na loita contra a andazo.
Os criterios de reparto están consensuados coa Federación Galega de Municipios e Provincias (FEGAMP) e realízanse en base a criterios obxectivos tendo en conta a poboación, o número de casos positivos, o número de efectivos de Policía, o número de voluntarios de Protección Civil e o número de horas do servizo de axuda no fogar.
Todo o material distribúese directamente desde a plataforma loxística que puxo en marcha a Xunta para axilizar o proceso e centralizar a adquisición e reparto de equipos de protección.
Abr 21, 2020 - 03:14 PM
E todo caducado, anda xa, home .