A Xunta vén de rematar as obras de mellora da estrada LU-633, na traza do Camiño Francés, en Triacastela. Trátase do acondicionamento dun antigo treito en curva da estrada á saída da capitalidade do concello, con destino a uso público e de recreo, onde se Instalou unha barreira de seguridade que proteea a nova zona de lecer con respecto á calzada da estrada autonómica.
A intervención incluíu a nivelación do espazo entre estradas para a súa humanización con zonas verdes e colocación de mobiliario urbano.
Con este proxecto mellórase esta contorna coincidente co paso do Camiño Francés co fin de incrementar a seguridade e comodidade no tránsito dos usuarios da estrada e tamén dos peregrinos.
Esta actuación complementa a intervención executada no ano 2019 na mellora da seguridade viaria do Camiño Francés no treito en común coa LU-633.