Backpack with schoolbooks and notebooks. Education concept image. Selective focusDespois de declarase o Estado de Alarma, alumnas e alumnos non puideron volver ás aulas para recoller libros e outro material que deixaron nos centros. Ante este feito, o delegado territorial da Xunta en Lugo, José Manuel Balseiro, explicou que serán axentes medioambientais voluntarios os encargados de achegar este material aos domicilios das alumnas e alumnos. Para interesarse por esta fórmula as familias terán que contactar telefonicamente cos seus centros, que se encargarán de coordinar coa Delegación territorial a recollida e reparto.
A Xunta habilitou esta fórmula para facilitar que todo o alumnado que segue as clases a distancia poida recuperar o seu material de estudo. A administración autonómica busca, na medida do posible, facilitar esta xestión, evitando que as familias teñan que desprazarse ata os centros educativos.
A iniciativa porase en marcha en todos os municipios da provincia excepto no núcleo urbano de Lugo cidade (si nas parroquias do rural), ao tratarse dun entorno urbano onde é máis factible o desprazamento. Algúns colexios da provincia xa efectuaron este reparto e noutros municipios colaborou na súa distribución persoal municipal ou de emerxencias.
