A Rede Museística Provincial ven de abrir oprazo de inscricións na vixésima edición das súas xornadas pedagóxicas, unha proposta formativa dirixida a docentes, profesionais de museos eestudantes de titulacións relacionadas coa museoloxía, que se celebrarádo 25 ao 26 de maio e do 1 ao 2 de xuño nos catro museos da Rede.
Baixo o epígrafe “O poder da educación nos museos”, as xornadas inclúen relatorios e mesas redondas sobre o cometido educativo dos museos a cargo de persoal da Rede, e persoas expertas doutros museos coma Ana Moreno, coordinadora da área de Educación do Museo Nacional do Prado
https://www.museodelprado.es/ ou Rufino Ferreras, xefe da área de Educación do Museo Thyssen Bornemisza, ademais de artistas visuais como María Gar e Virgina Rivas.
As inscricións están abertas ata o 20 de maio. As persoas interesadas poden reservar praza no enderezo electrónico concertacionsrmpl@gmail.com no caso dos profesionais dos museos e estudantes e do Sistema de
Xestión de Formación do Profesorado (eduxunta.gal/fprofe) no caso dos docentes, xa que a actividade conta co recoñecemento da Consellería de Cultura, Educación e Universidade.
A temática das Xornadas Pedagóxicas apunta na liña do lema co que se celebra este ano o Día Internacional dos Museos, unha efeméride que se conmemora o 18 de maio a proposta do ICOM , e que este ano propón reflexionar sobre “O poder dos museos”, poñendo o foco na capacidade destes espazos culturais para transformar o mundo que nos rodea, “descubríndonos o pasado e abrindo as mentes a novas idea.
