" />

Actores e xornalistas galegos e madrileños xogarán no Anxo Carro un partido benéfico

Un equipo de fútbol formado por actores e xornalistas madrileños e outro constituido polos seus colegas galegos competirán o día 7 de outubro en Lugo nun encontro con dous obxectivos irrenunciables: obter a vitoria honrosa no partido e recadar fondos para a asociación Aspnais.

A fin de que o espectáculo resulte brillante, os actores prometen non facer teatro e os xornalistas confían “en non retransmitir as súas intencións”. O encontro, que se enmarca dentro das festas do San Froilán, se disputará ese sábado ás 18.00 horas no estadio Anxo Carro e nel participarán caras coñecidas como Ricardo Gómez, Carlitos na serie ‘Cuéntame’, Carles Francino, Álvaro Monje o Jimmy Castro así como xornalistas de recoñecida carreira como Nacho Carretero, Álex Grijelmo, Fermín de la Calle ou Nicolás Castellano, entre outros moitos. O equipo galego será reforzado na porteiría polo exgardameta do Real Madrid, Paco Buyo.

Todos eles, apaixoados do futbol que acoden a este partido coa intención de demostrar o talento que perderon todos os equipos que os rexeitaron. Os actores e xornalistas que xoguen o partido accederán a firmar autógrafos e facerse fotos cos afeccionados que acudan a felicitalos.

Esta iniciativa, coa que se pretende recadar fondos para a Asociación de Pais ou Titores de Persoas con Discapacidade Intelectual de Lugo (Aspnais), conta coa axuda do Club Deportivo Lugo e cos patrocinios de Desguaces Herbón e CódigoCar.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo