A Semana de Cine sigue coa súa actividade, e para mañá sábado a partires das 13 horas no Paseo do Cine ( Frigsa), realizarase o descubrimento de dúas novas placas no Paseo. Estas placas corresponden aos números 9 e 10 das colocadas, despois das de Antonio Mourelos, Prudencia Grifell, Luís Tosar, Carmen Correa, Luis Iglesia, Frank Braña, María Casares e Margarita Ledo Andión.
A primeira das placas , a que corresponde a Eduardo Fajardo, homenaxeado en 2010, será descuberta por Manuel Muñoz, tenente de alcalde do concello de Meis (Pontevedra), de onde Fajardo é fillo predilecto, que intervirá no nome do concello. O concello de Meis nomeou ao actor coa especial distinción de fillo predilecto a petición de Fonmiñá, a raiz da homenaxe en Lugo, e ven de aceptar a invitación para participar neste acto para o que foi comisionado o primeiro tenente de alcalde da institución.
A segunda das placas a que se lles outorga aos irmáns Coira, será descuberta por Pepe e Jorge, que son os cineastas homenaxeados homenaxeados nesta edición, despois dunhas palabras de Remedios González, alcaldesa de Rábade, a súa terra natal.
