Adiante polo Corgo nova incorporación á coalición “Contamos”

“Contamos” a coalición de partidos que se presenta ás eleccións para acadar representación na Deputación de Lugo, remata de incorporar  unha nova candidatura a esta iniciativa. A candidatura do Corgo, Adiante polo Corgo,  está encabezada  por Nuria  Mera Balboa, que ocupou o terceiro posto nas listas do Psoe nas anteriores eleccións municipais por este concello e Marta López Abeledo, que ocupara o segundo lugar na mesma lista nas anteriores eleccións á alcaldía do Concello de O Corgo.

Con esta incorporación, “Contamos” presentará listas en: Becerreá, Sarria, Samos, O Páramo e O Corgo.

En Becerreá, o candidato será o actual alcalde, Manuel Martínez; Sarria contará con Claudio Garrido ao fronte da lista; en Samos repetirá o concelleiro, Xosé Real; en O Páramo, o ex-alcalde do PP Gumersindo Vázquez; e en O Corgo, como xa queda dito, será Nuria Mera.

A coalición segue a medrar e en vindeiras datas podería pecharse a candidatura de Meira, así como outras coas que se está a traballar en diferentes Concellos do partido xudicial de Lugo.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com