O Concello de Becerreá ven de emitir un comunicado onde di que se “permitirá o uso de forma provisional das instalacións recentemente finalizadas da pista de pádel e circuíto pumptrack, instalados no parque empresarial de Becerreá, e rematados a pasada semana a partir do próximo mércores día 16 de agosto.
O custo das obras para a execución do Proxecto titulado pistas de pádel e circuíto pumptrack do Plan Único do 2022, cun importe de 211.145€.
E á espera de contratar e executar unha segunda pista de pádel
por importe de 38.779€.
Para o seu uso temporalmente, a súa apertura será de 10h a 22h e para utilizala, deberán dirixirse ao teléfono 629022731, cunha antelación de tres horas. O tempo máximo de uso por petición, será dun máximo dunha hora e media, por persoa e día.
A pista deberase desocupar á finalización da reserva efectuada,
independentemente de se se atopa baleira ou non, polo que non
abandonar a pista á finalización da reserva será considerada como
unha ocupación indebida e advertirase ao usuario ou usuarios do
incumprimento.
Os usuarios da pista de pádel deberán ir correctamente vestidos
con roupa deportiva e calzado adecuado ao uso do céspede sintético.
En ningún casose deixará facer uso das pistas a usuarios con roupa de rúa tipo vaqueiros etc… e calquera calzado non deportivo.
Está completamente prohibido xogar desprovisto de camiseta e co torso espido.
Normas de uso do circuíto de PumpTrack
Non está permitido o uso de elementos motorizados ou eléctricos na pista.
Non está permitido levar nas bicicletas estriberas e pedais
metálicos ou calquera material que poida danar a instalación.
É obrigatorio o uso de casco para facer uso do circuíto de PumpTrack.
É moi recomendable utilizar proteccións articulares tales como covadeiras, muñequeiras, luvas, xeonlleiras…., así como roupa e calzado adecuado. O uso deste circuíto supón un risco que asume cada usuario baixo a súa propia responsabilidade.
Os espectadores e usuarios que non estean a practicar situaranse fóra do circuíto de PumpTrack. O circuíto de PumpTrack foi concibido para a práctica deportiva polo que non está permitido sentar, transitar por el ou realizar un uso non deportivo sobre eles ou o utros usos inapropiados.
Non está permitida a entrada de animais.
Manter distancia de seguridade entre os outros Riders.
Dentro do circuíto haberá deportistas de diferentes idades e niveis respéctaos e dá prioridade sempre ao menor e ao non iniciado.
Non entrar a pé e transitar en sentido contrario.
Evitar pedalear sobre as ramplas.
Non recomendable para menores de 4 anos.
Ata os 10 anos deberán estar acompañados por un adulto.
