A Concelleira de Cultura, Turismo, Xuventude e Promoción da Lingua, Carmen Basadre, ofreceu este sábado o pregón da VII Feira Medieval de Fontiñas, unha cita coa que un ano máis colabora o Concello, pois potencia a actividade económica e social do barrio e axuda a facer cidade.
A Alcaldesa de Lugo, o Voceiro Municipal, Miguel Fernández, e as concelleiras de Benestar Social, Igualdade e Inclusión; e Concello e Cidadanía, Ana Abelleira e Rosana Rielo, achegáronse á Praza do Camiño Primitivo para escoitar o pregón deste encontro, que reúne ata mañá uns 60 postos de artesanía e alimentación, ademais de actuacións musiciais e atraccións.
Posteriormente, e xunto con representantes da organización, fixeron unha visita aos stands participantes na feira, impulsada pola asociación de hostaleiros da zona, que xa é cita obrigada no calendarios dos e das lucenses.
