O candidato do PP ao Senado pola provincia de Lugo e voceiro do Grupo Popular no Senado, Xosé Manuel Barreiro, defendeu esta mañá dende Plasencia que só o Partido Popular “pode garantir a vitoria da estabilidade e o futuro fronte os postulados extremistas”. Barreiro firmou que ese partido “vai de primeiro en todas as enquisas e é o Partido Popular”.
Xosé Manuel Barreiro subliñou que “a moderación necesita un voto forte e claro e cohesionado en torno ao PP” xa que “a única posibilidade que teñen os radicais de gañar as eleccións é que os moderados dividamos o noso voto”.
O senador lucense destacou ademais que as deste domingo son as eleccións “máis importantes da nosa democracia”. “Son un cruzamento de camiños decisivo e, con todo o que hai en xogo, non podemos cometer o risco de votar a intermediarios”, sentenzou.
