" />

BNG-Asambleas Abertas afirma que son a única forza que ten clara a necesidade de eliminar os símbolos franquistas de Lugo

O candidato do BNG – Asambleas Abertas, Rubén Arroxo, referíuse hoxe á proposta que se tratará no vindeiro pleno municipal sobre o cambio dos nomes franquistas na rúas da cidade.

O Candidato do BNG-Asambleas Abertas sinalou que “somos a única forza que ten clara a necesidade de eliminar os símbolos franquistas de Lugo”. Arroxo afirmou que “se Fraga non ten unha rúa en Lugo é grazas ao BNG” e lembrou que “somentes a presenza do BNG nos gobernos municipais e a súa actuación dende a oposición fixo posible o cambio dos nomes da rúas en Lugo” afirmou Arroxo.

Asemade suliñou que “nunca estivo clara a postura de Orozco con respecto a poñerlle un nome de rúa a quen foi ministro de Franco e asinou penas de morte”. Rubén Arroxo engadiu que “nin PP, nin PSOE tiveron nunca unha vontade clara de acometer a eliminación dos símbolos franquistas e se o fixeron foi pola presión social e a do BNG”.

Para o BNG “é de lamentar que non se aproveite esta modificación do rueiro para eliminar definitivamente os vestixios da dictadura e quede pendente aínda o nome de Ramón Ferreiro”.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo